MISS TANZANIA LEO KUONDOKA NA GARI.

Hashim Lundenga

Mshindi wa shindano la Miss Tanzania litakalofanyika leo jijini hapa, ataondoka na zawadi ya gari na fedha taslimu, imeelezwa.

Akizungumza Mkurugenzi Mkuu wa Miss Tanzania, Hashim Lundenga alisema mshindi atapewa zawadi ya gari na Sh milioni 4,huku mshindi wa pili atachukua Sh mil 3, nafasi ya tatu Sh mil 2 huku wa nne na tano kila mmoja atondoka na Sh mil 1.

Washiriki wengine waliobaki ambao hawatakuwemo katika tano bora kila mmoja ataondoka na Sh 500,000.

Lundenga alisema mashindano hayo ya warembo yanafanyika leo hii katika ukumbi wa Rock City Mall na shoo hiyo itakuwa ni ya saa mbili na nusu itakayotumbuizwa na Christian Bella.

Mshindi wa mashindano hayo atawakilisha nchi katika mashindano ya kumtafuta mrembo wa dunia mwaka huu yatakayofanyika katika jiji la Washington DC, Marekani, Desemba 18. Viingilio ni Sh 20,000, Sh 50,000 kwa viti vya dhahabu na viti maalumu ni Sh 100,000.

Warembo 30 watakaochuana ni Julitha Kabethe, Nuru Kondo, Grace Malikita, Spora Luhende (Ilala), Diana Edward, Regina Ndimbo, Ndeonansia Pius, Hafsa Abdul (Kinondoni), Upendo Dickson, Abella John, Elineema Chagula, Irene Ndibalema ( Mashariki), Anna Nitwa, Lisa Mdolo, Irene Masawe (Kanda ya Kati), Laura Kway (Kanda ya Elimu ya Juu).