WAZIRI AUAWA KOREA KASKAZINI BAADA YA KUONEKANA AKISINZIA MKUTANONI.

Kim Jong-un na mkewe.

Serikali ya Korea kusini imesema kuwa waziri wa elimu nchini Korea kaskazini ameuawa na maafisa wa serikali.

Waziri huyo wa elimu Kim Yong-jin anadaiwa kusinzia katika mkutano wa kiongozi wa nchi hiyo Kim Jong-un.

Baadhi ya ripoti zinasema waziri huyo ambaye amekuwa pia akihudumia kama mmoja wa manaibu wa waziri mkuu, alitekwa na usingizi wakati wa mkutano huo jambo ambalo lilichukuliwa kama kumkosea heshima kiongozi huyo.

Maafisa wa Korea kusini wamesema wanaamini waziri huyo aliuawa kwa kupigwa risasi mwezi Julai.

Serikali hiyo inasema maafisa wengine wawili walilazimishwa kwenda kuishi maeneo ya mashambani, "kupewa upya mafunzo".

Korea kusini iliwahi kutoa taarifa kwamba kiongozi wa jeshi la Korea kaskazini Ri Yong-gil alikuwa ameuawa mwezi February mwaka huu.

Lakini mwezi Mei mwaka huu, ilibainika kwamba bado yupo hai na alikuwa akihudhuria mikutano na hafla za serikali.

Mara ya mwisho Korea kaskazini kutangaza hadharani kwamba ilikuwa imemuua afisa mkuu serikalini ilikuwa ni mwaka 2013 wakati mjombaake Rais wa nchi hiyo Chang Song-Thaek aliuawa mwaka 2013.

Tangazo la kifo cha Kim Yong-jin limetolewa na wizara ya muungano ya Seoul na limetolewa siku chache baada ya taarifa za gazeti moja kusema maafisa wawili wakuu wa Korea kaskazini waliuawa kwa kulipuliwa kwa makombora ya kutungua ndege.

Gazeti hilo lilisema wawili hao waliuawa mapema mwezi huu.

Watu zaidi ya kumi wameuawa tangu Kim Jong-un achukue hatamu miezi mitano iliyopita.

Baadhi ya wachanganuzi wa masuala ya siasa  wanasema huenda kiongozi huyo, mwenye umri wa miaka 32 hutumia njia ya kuwaua watu hadharani kusisitiza udhibiti wake kama kiongozi.

Mapema mwezi huu, Naibu balozi wa Korea kaskazini nchini Uingereza aliikimbia nchi yake na kuhamia rasmi kusini.

RAIS MAGUFULI AFANYA UTEUZI MWINGINE.

Doto James

Rais Dkt. John Pombe Magufuli amemteua Doto James kuwa Katibu Mkuu wa Wizara ya Fedha na Mipango.

Taarifa ya Ikulu jijini Dar es salaam imesema kabla ya uteuzi huo Doto James alikuwa Naibu Katibu Mkuu wa Wizara ya Fedha na Mipango (Sera).

Doto James ataapishwa Septemba mosi, ikulu jijini Dar es salaam.

Kwa mujibu wa taarifa hiyo kufuatia uteuzi huo aliyekuwa Katibu Mkuu wa Wizara ya Fedha na Mipango Dkt. Servacius Likwelile atapangiwa kazi nyingine.

CHADEMA WASITISHA MAANDAMANO YA UKUTA.

Freeman Mbowe

Chama pinzani cha Demokrasia na Maendeleo (CHADEMA) kimesitishwa leo maandamano yaliyopangwa kufanyika siku ya jana.

Viongozi wa upinzani wakiwemo Edward Ngoyai Lowasa wa Chadema wametangaza hatua hiyo kwenye kikako na waandishi wa habari jijini Dar es salaam.

Wamesema wamehairisha maandamano hayo kwa kipindi cha mwezi mmoja baada ya kusikia ombi la viongozi wa kidini na wadau wengine waliowaomba kukumbatia na kuyapa muda mazungumzo.

Viongozi wa Chama hicho walikuwa wameitisha maandamano na mikutano ya kisiasa Septemba mosi, kupinga walichosema kuwa ni ukandamizwaji unaoendelezwa na serikali.

Baada ya mkutano wa kikao cha Kamati kuu wa Chama cha Demokrasia na Maendeleo (CHADEMA) mwishoni mwa Julai, viongozi walisema "yapo matukio ambayo yamekuwa yakifanywa na kukandamiza demokrasia na misingi ikipuuzwa na kudharauliwa".

"Si nia ya Chadema kugombana na serikali bali ni kazi ya chama pinzani kusaidia serikali iongoze kwa kufata misingi ya katiba" chama kilisema.

Maandamano hayo yalipewa jina la UKUTA, ikisimamia Umoja wa Kupambana na Udikteta Tanzania.

Serikali ilipiga marufuku mikutano yote ya kisiasa ya hadhara na ukumbini. Baadhi ya viongozi wa upinzani wamekamatwa na kuzuiliwa kwa muda.

KODI ZA SIMU ZAONGEZA KIPATO NCHINI.

Sheria ya fedha ya mwaka 2016 iliyopitishwa kuhusu utozaji wa ushuru kwenye ada ya kutuma na kupokea fedha kwenye miamala ya benki na simu, imeanza kuzaa matunda kutokana na ongezeko la mapato lililoanza kushuhudiwa kutoka kampuni za simu.

Kamati ya kudumu ya Bunge ya miundombinu iliyokutana jana na Mamlaka ya Mawasiliano (TCRA) iliambiwa kutokana na sheria hiyo iliyopitishwa na Bunge baada ya kupitisha bajeti ya mwaka huu, mwezi uliopita serikali imeshuhudia ongezeko kubwa la mapato yaliyotolewa na kampuni za simu.

Taarifa hiyo ilitolewa jana na kamati ya kudumu ya Miundombinu, imeonesha kampuni ya Vodacom ilikuwa ikitoa kodi ya ushuru wa bidhaa kwa fedha zinazotumiwa kwa wastani wa Sh.milioni 360 kwa mwezi, lakini baada ya mabadiliko ya sheria Julai pekee mwaka huu imelipa Sh.bilioni 1.9.

Mwakilishi wa Kamishna Mkuu wa Mamlaka ya Mapato (TRA), Godwin Barongo aliiambia kamati hiyo kuwa kwa upande wa kampuni ya Tigo walikuwa wanatoa wastani wa sh.milioni 250 kwa mwezi lakini sasa wametoa jumla ya sh.bilioni 1.48.

Barongo ambaye ni Meneja msaidizi kitengo cha walipa kodi wakubwa TRA alikuwa akizungumzia namna mtambo maalumu wa kusimamia mawasiliano na udhibiti wa mapato yatokanayo na simu (TTMS) unaosimamiwa na mamlaka ya mawasiliano (TCRA) ulivyowezesha kufanikisha ukusanyaji mapato.

"Pamoja na mabadiliko ya sheria yaliyoanza mwenzi Julai mwaka huu, kampuni za simu zilikuwa zikitoza transfer, lakini sheria ilikuwa haigusi kwenye kutoa. Baada ya hiyo tuligundua kuwa sasa kamisheni nyingi zilipelekwa kwenye kutoa kwa sababu hakuna tozo na kwenye transfer zinapungua" alisema Barongo.

Aliendelea kusema "kwa hiyo mabadiliko haya ya sheria ya sasa hivi ambayo tunatoza kwenye kuweka na kutoa, yametusaidia". Makamu mwenyekiti wa kamati ya kudumu ya Bunge ya miundombinu, Selemani Kakoso alisisitiza kuwa wabunge wanategemea Wizara ya miundombinu kupitia sekta ya mawasiliano, ichangie mapato mengi kwa serikali.

CHRIS BROWN MATATANI KWA KUMTISHIA MWANAMKE BUNDUKI.

Chrus Brown

Polisi nchini Marekani wamemkamata na kumzuilia mwanamziki mashuhuri Chris Brown kwa tuhuma za kumtishia mwanamke bastora.

Polisi waliitwa kwenye makazi ya Chris Brown na mwanamke aliyewapigia simu na kuomba msaada saa tisa usiku wa kuamkia Jana.

Malkia wa urembo, Baylee Curran ameliambia gazeti la LA Times, kwamba mwanamziki huyo alimwelekezea mtutu wa bunduki.

Hata hivyo walizuiwa kuingia na ilibidi wasubiri hadi wapate idhini ya jaji kabla ya kufanya msako wa kutafuta bunduki katika maeneo hayo.

Mwanamke huyo aliyewaita mapolisi, baadae aliwaambia vyombo vya habari kwamba walitofautiana na Chris kuhusu majohari.

Alisema aliingia kwa Chris akiwa na rafiki yake na mshirika wa kibiashara na alikuwa akiangalia mkufu wa thamani uliokuwa umevaliwa na mwanaume mmoja, pale mwanamziki huyo alipomkaripia na kumtaka aondoke mara moja akiwa amemwelekezia bunduki.

Alifanikiwa kuondoka makazi hayo bila madhara.

Chris Brown ameandika ujumbe kwenye mitandao ya kijamii kwa kujitetea na kuwalaumu polisi kwa kumuhangaisha.

Wakili wake alifika kwenye makazi hayo na kumtaka aandamane na polisi hao. Mwanamziki huyo anatarajiwa kufunguliwa mashtaka ya uvamizi.

Chris amewahi kujitia matatani awali, hususani alipomshambulia aliyekuwa mpenzi wake na mwanamziki Rihanna 2009.

NAULI MPYA YA TRENI KUTOKA STESHENI KWENDA PUGU Tsh 600/-.

Abiria wanaotumia usafiri wa treni inayofanya safari kati ya stesheni, Dar es salaam na Pugu wataanza kulipa nauli ya sh.600 baada ya nauli hiyo kupitishwa na Mamlaka ya Udhibiti wa Usafiri wa nchi kavu na majini (SUMATRA).

Awali treni hiyo ya kampuni ya Reli Tanzania (TRL) ilikuwa ikitoza sh 400 kwa mtu mzima na sh 200 kwa mwanafunzi wakati treni hiyo ilipokuwa kwenye majaribio.

Wanafunzi watalipa sh.100 kutoka kituo kimoja kwenda kingine.

Kaimu Mkurugenzi Mkuu wa TRL Ng'hwani Rashid amesema, kampuni hiyo ilikuwa ikitoza  sh.400 wakati ikisubiri kukamilika kwa mchakato wa ukokotoaji nauli ambayo imesimamiwa na Sumatra.

MKULIMA KUFIKISHWA MAHAKAMANI KWA KOSA LA KUMNAJISI MTOTO WA MIAKA 6.

Mkazi wa wilayani Igunga mkoa wa Tabora, Simba Kanyala (54) amepandishwa kizimbani katika Mahakama ya Hakimu mkazi wa Wilaya hiyo akidaiwa kunajisi.

Mwananchi huyo anakabiliwa na mashtaka ya kumnajusi mtoto mwenye umri wa miaka 6. Kanyala ni mkulima wa kijiji cha Nkinga, tarafa ya Simbo.

Mwendesha mashtaka wa Jeshi la polisi Wilaya ya Igunga, Frank Matiku, ameeleza Mahakama kuwa Agosti 23 mwaka huu saa kumi jioni katika kijiji cha Nkinga, mshtakiwa alimnajisi mtoto na kumsababishia maumivu sehemu za siri.

Habari kamili itaendelea badae.

UVCCM KUSITISHA MAANDAMANO YA AMANI WALIYOPANGA KUFANYA SEPTEMBA MOSI.

Shaka Hamdu Shaka

Umoja wa Vijana wa Chama cha Mapinduzi (UVCCM) umetangaza kusitisha maandamano waliyokuwa wamepanga kufanya ili kuunga mkono juhudi na kazi inayofanywa na Rais Magufuli, ikielezwa ni kutokana na kutii katazo la jeshi la polisi nchini.

Umesema kuwa umepokea majibu ya barua yao kutoka kwa mkuu wa jeshi la polisi (IGP) Ernest Mangu inayowataka kuacha kufanya maandamano yao kwa sababu polisi wamezuia mikutano ya hadhara ya vyama vya siasa na maandamano nchi nzima.

Taarifa iliyotolewa na Kaimu Katibu mkuu wake Shaka Hamdu Shaka, alisema mbali na barua hiyo pia wamefikia uamuzi huo unatokana na utii, nidhamu na kizingatia utaratibu wa mamlaka za juu ndani ya chama.

MAANDAMANO YA UKUTA MARUFUKU KUFANYIKA DODOMA.

Jeshi la polisi mkoani Dodoma limepiga marufuku na kuwataka wananchi wasishiriki katika maandamano yatakayofanyika Septemba mosi.

Limesema maandamano hayo ya ukuta ambayo yameandaliwa na Chama cha demokrasia na maendeleo CHADEMA si halali na yana nia ya kupotosha na kuvuruga amani ya nchi.

Katika mkutano wake na waandishi wa habari leo, Kamanda wa polisi Mkoa wa Dodoma Lazaro Mambosasa  amesema kwa muda mrefu kumekuwa na makundi ya wafuasi wa Chadema kuhamasishana ili kufanya vurugu kupitia hoja ya maandamano waliyoyapa jina la UKUTA.

"Wapo watu wanaosambaza machapisho mbalimbali yenye kauli za uchochezi katika fulana, mabango na katika mitandao ya kijamii na pia wapo wanaofanya kampeni zisizo halali nyumba kwa nyumba kuwashawishi watu kufanya uhalifu huo" alisema kamanda.

WALIOJIHUSISHA NA WATUMISHI HEWA MATATANI.

Serikali imeanza kuwashughulikia wale wote waliojihusisha na fedha za watumishi hewa ambapo hadi sasa watumishi 839 wapo katika hatua mbalimbali wakiwemo waliofikishwa Taasisi ya kuzuia na kupambana na rushwa (Takukuru) na wengine wanaendelea kuhojiwa na polisi kwa ajili ya kufikishwa mahakamani.

Sambamba na hilo, serikali unatarajia kutoa ajira mpya 71,496 kwa mwaka huu wa fedha baada ya kuwaondoa wafanyakazi hewa.

Waziri wa nchi, ofisi ya Rais (Utumishi na utawala bora), Angellah Kairuki aliyasema hayo wakati akizungumzia utekelezaji wa mipango na mikakati ya Wizara yake katika kipindi cha "tunatekeleza" kinachorushwa na televisheni ya TBC1.

"Kwa sasa wapo watumishi wanahojiwa na kuchukuliwa maelezo yao polisi na upelelezi utakapokamilika watachukuliwa hatua za kisheria" alisema.

LEMA AWAGOMEA POLISI.

Godbless Lema

Mbunge wa Arusha mjini Godbless Lema, amezua tafrani kwenye mahakama ya hakimu mkazi Arusha baada ya askari polisi waliomleta awali kutaka apande gari kwenda mahabusu kwa sababu ya kutokidhi masharti ya dhamana. Awali Lema, alisomewa makosa mawili yaliyokuwa yakimkabili mbele ya Hakimu mkazi wa mahakama hiyo, Desdery Kamugisha na Wakili wa serikali Innocent Njau. Katika mashtaka ya kwanza ni la kutuma ujumbe mfupi wa maneno kutoka kwake kwenda kwa Mkuu wa mkoa wa Arusha, Mrisho Gambo. Mashtaka ya pili kutumia Whatsapp kwa ajili ya kuwashawishi wananchi wa jiji la Arusha kuandamana Septemba Mosi. Baada ya Lema kusomewa mashtaka hayo, Hakimu Kamugisha alimuuliza kama ni kweli au la, na Lema alikana baada ya kukana Wakili Njau aliomba Lema asipewe dhamana kwa sababu wana taarifa za kiintelijensia kuwa, endapo atapewa dhamana maisha yake yatakuwa matatani. Hoja ya Wakili huyo wa serikali, ilipingwa na wakili wa utetezi John Mallya. Baada ya mabishano hayo Hakimu Kamugisha alitupilia mbali pingamizi la Wakili Njau la Lema kunyimwa dhamana. Baada ya sharti la dhamana kutolewa, wadhamini wawili walijitokeza ambao ni madiwani wa jiji la Arusha, lakini hali tofauti ilijitokeza baada ya wakili wa serikali Njau kukagua barua ya kumdhamini Lema na kugundua kuna kasoro za matumizi ya majina. Kutokana na sintofahamu hiyo wakili alikubaliana na hoja ya Njau na kusema kuwa Lema atafute wadhamini wengine na kuahirisha kesi hiyo kwa muda hadi Septemba 19 mwaka huu. Baada ya kusomewa kesi hiyo, ikasomwa kesi ya pili ambayo inadaiwa ya kutoa lugha ya uchochezi kati ya Agosti mosi hadi 26 mwaka huu kwa njia ya kurekodi kwa sauti "audio clip" na kurusha kwenye mitandao ya kijamii kwa ajili ya kuhamasisha maandamano Septemba mosi mwaka huu. Saa 8:20 mchana mapolisi walimtoa mahabusu na kumpandisha kwenye gari wakitaka kumpeleka mahabusu Kisongo. Kutokana na sintofahamu hiyo Lema alibishana na polisi hao huku akiwa na Mawakili wake, Mallya na James Lyatuu walihoji kuwa wanampeleka wapi wakati muda wa mahakama haujafika. "Muda wa mahakama haujafika mnanipeleka wapi, nasema nitafia hapa mahakamani muda huu ni saa nane, muda wa mahakama haujaisha mnanipeleka wapi, siendi, mniue, siendi popote mniue hapahapa, muda wa mahakama haujaisha bro, mnanipeleka wapi na kwanini mnanifanyia hivyo, nasema siendi kokote bora kufa, sikubali" alisema Lema.

KAMPUNI YA MBOWE IMEBAKIZA SIKU MOJA KULIPA BIL.1.3/-NHC.

Freeman Mbowe

Kampuni ya Mbowe Hotels Limited (MHL) imebakiza siku ya leo tu, kuwa tayari imelipa deni la shilingi Bilioni 1.3 ya kodi ambayo inadaiwa na shirika la nyumba la Taifa (NHC) ili kujinasua katika hatari ya kuondolewa katika jengo la shirika hilo lililopo katika makutano ya mitaa ya Mkwepu na Indira Ghadhi Makunganya jijini Dar es salaam.

Jengo hilo ni maarufu kutokana na kuendesha shughuli mbalimbali za starehe na burudani kutokana na kuwepo kwa Club maarufu ya Billcanas.

Hatua hiyo inatokana na notisi mbili zilizotolewa; Moja na shirika la nyumba la Taifa Juni 24, mwaka huu ikitishia kuvunja makubaliano ya mkataba wa ukodishaji wa jengo hilo na kufuatia na notisi ya kampuni ya udalali ya mahakama ya fosters, ambazo zote zinakamilisha muda wake leo.

Kampuni hiyo inamilikiwa na mwenyekiti wa taifa wa Chama cha demokrasia na maendeleo (CHADEMA), Freeman Mbowe.

Mbowe alinukuliwa na vyombo vya habari mwishoni mwa wiki akilihusisha deni hilo na masuala ya kisiasa, kwa madai kuwa suala hilo linakuzwa na kupotoshwa ili kumnyamazisha katika harakati za kisiasa, bila kukiri uwepo wa shauri baina ya pande hizo mbili juu ya deni hilo.

Mkurugenzi mkuu wa NHC Nehemiah Mchechu, alithibitisha kuwepo kwa mpango wa kuiondoa kwa nguvu kampuni ya Mbowe katika jengo hilo.

"Ni kweli kuwa tumempa mpangaji wetu huyo Mbowe notisi ya kumuondoa. Kampuni ya Hoteli za Mbowe ni miongoni mwa wateja wetu watatu ambao ni wadaiwa sugu wa kodi ya pango kwa wateja binafsi nchini" alisema.

Mchechu alisema suala hilo ni la kibiashara na halina mahusiano na masuala ya siasa, kama ilivyodaiwa na Mbowe hivi karibuni alipoongea na vyombo vya habari.

"NHC haina uhusiano na masuala ya kisiasa wala kujihusisha nayo, hatuna uhusiano wowote na masuala ya umoja wa kupambana na udikteta (UKUTA), namuomba Mbowe atambue kuwa hili ni suala la kibiashara na si vinginevyo" alisema Mchechu.

Hatua ya NHC ya kuandika notisi ya kuvunja mkataba, ilitokana na kampuni ya Mbowe kushindwa kujibu na kusaini hati mpya ya makubaliano ya namna ya ukodishaji wa jengo hilo uliowasilishwa kwa kampuni hiyo January 18, 2015.

LIST YA WALIOCHUKUA TUZO ZA MTV VIDEO MUSIC AWARDS.

Tuzo za MTV VMAs zilifanyika jana huko Marekani na wafuatao ni wasanii waliochukua tuzo hizo huku mwanadada Beyonce akiongoza kwa kuchukua tuzo 8;

VIDEO OF THE YEAR - Formation (Beyonce).

BEST MALE VIDEO - This is what you came for (Calvin Harris ft Rihanna).

BEST FEMALE VIDEO - Hold up (Beyonce).

BEST POP VIDEO - Formation (Beyonce).

BEST HIP HOP VIDEO - Hotline bring (Drake).

BEST ROCK VIDEO - Heathens (Twenty one pilots).

BEST ELECTRONIC VIDEO - How deep is your love (Calvin Harris & Discipline).

BEST COLLABORATION VIDEO - Work from home (Fifth harmony ft Ty Dolla $ign).

BEST NEW ARTIST - D.N.C.E

BEST BREAKTHROUGH LONGFORM VIDEO - Lemonade (Beyonce).

BEST DIRECTION - Formation (Beyonce).

BEST VISUAL EFFECTS - Up & up (Cold play).

BEST ART DIRECTION - Black star (David Bowie).

BEST EDITING - Formation (Beyonce).

BEST CINEMATOGRAPHY - Formation (Beyonce).

BEST CHOREOGRAPHY - Formation (Beyonce).

SONG OF SUMMER - All in my head (flex) (Fifth harmony).

YANGA YANG'ARA TENA.

Wachezaji wa Yanga wakifurahia ushindi.

Mabingwa watetezi wa ligi kuu bara, yanga jana kuanza vizuri kampeni zao kwa ushindi mnono wa mabao 3-0 dhidi ya Afrikan Lyon katika mechi iliyochezwa kwenye uwanja wa taifa Dar es salaam.

Yanga imeanza kutetea taji lake baada ya kutupwa nje ya michuano ya kimataifa ya kombe la shirikisho Afrika kwa kufungwa na TP mazembe ya Congo DR mabao 3-1 katika mechi ya mwisho ya makundi.

Ikicheza  soka safi Yanga ilichukua dakika 19 kuandika bao la kuongoza lililofungwa na Deus Kaseke baada ya kuunganisha pasi safi ya Simon Msuva.

Afrikan Lyon ambayo ni mechi ya kwanza ilitoka sare 1-1 na mechi ya Azam, jana ilizidiwa karibu kila idara na kuonekana kuchoka hasa katika kipindi cha pili.

Msuva aliiandikia Yanga bao la pili katika dakika ya 59 akiunganisha pasi ya Haruna Niyonzima kabla ya kumpiga chenga kipa wa Lyon na kuujaza mpira wavuni.

Pamoja na kuelemewa huko, Lyon walijitahidi kufanya mashambulizi ambapo katika dakika ya 76 Tito Okello alishindwa kumalizia krosi akiwa amebaki peke yake na kipa.

Yanga iliendeleza mashambulizi na dakika ya 90 Amisi Tambwe alikosa bao baada ya mpira wa kichwa aliopiga kugonga mwamba na mpira kurudi uwanjani.

Zikiwa zimebaki sekunde chache mpira  kumalizika, Juma Mahadhi aliyeingia uwanjani  kuchukua nafasi ya Msuva aliandika bao la tatu kwa Yanga baaa ya kazi nzuri ya Niyonzima.

Yanga itacheza mechi ya pili keshokutwa ambapo itaminyana na JKT Ruvu kwenye uwanja huo huo wa Taifa.

Kutoka kwenye uwanja wa CCM kirumba Mwanza, Alexander Sanga anaripoti kuwa wenyeji Toto Africans wameshindwa kuutumia vizuri uwanja wa nyumbani baada ya kukubali kichapo cha bao 1-0 kutoka kwa Mbeya city.

Wageni Mbeya City waliandika bao hilo katika dakika ya tano lililofungwa na Haruna Shamte kwa mpira wa adhabu uliokwenda moja kwa moja golini.

ACHORA TATOO KWENYE TITI LENYE SARATANI.

Wakati alipokuwa akiugua saratani ya titi, Alison Habbal alikuwa akihisi kisunzi na kuchoka.

Akiwa miaka 36 wakati alipoanza kuugua ugonjwa huo, Alison ambaye ni raia wa Sydney alijua kwamba atapoteza nywele zake na titi lake.

Mpango wa kutengeneza titi jingine kutumia upasuaji wa kutumia plastiki haukumvutia.

"Sikutaka kuwekwa titi bandia kutoka kwa ngozi ya watu wengine, niliona niweke tatoo" alisema.

Wakati wote nilipokuwa mgonjwa niliwatafuta wachoraji tatoo katika mitandao, aliongezea. Na baada ya majadiliano marefu niliamua kumpa kazi ya uchoraji huo msanii kutoka New Zealand, Makkala Rose, mwenye umri wa miaka 23.

Tatoo hiyo ilichorwa mjini Melbourne kwa saa 13 mnamo tarehe mosi mwezi Julai.

Alison alifurahia kazi hiyo na akaamua kuchapisha picha yake katika mitandao ya Instagram na Facebook.

Hatua ambayo ilimpatia umaarufu mkubwa miongoni mwa wateja wa mitandao hiyo wengi walisifu wazo lake.

JOAO MARIO ASAJILIWA INTER MILAN.

Joao Mario

Joao Mario amejiunga na klabu ya Inter Milan kutoka Sporting Lisbon kwa kitita cha pauni milioni 38.4 na kuwa mchezaji ghali zaidi wa Ureno na kuwahi kuuzwa na klabu ya Ureno.

Mchezaji huyo mwenye umri wa miaka 23 aliyashinda mauzo ya Cristiano Ronaldo ya pauni milion 12.24 na nani aliyeuzwa kwa kitita cha pauni milioni 25 kuelekea Manchester United.

Inter bado inaendelea na mazungumzo ya kumsajiri Gabriel Barbosa kutoka Santos.

Kiungo wa katiu Mario aliichezea Sporting mara 171 na kushinda Euro 2016 na Ureno

MCHEZAJI AGOMA KUHESHIMU WIMBO WA TAIFA WA MAREKANI.

Colin Kaepernick

Mchezaji wa soka ya Marekani NFL amekataa kusimama ili kutoa heshima wakati ambapo wimbo wa taifa unapoimbwa akipinga mile anachotaja ni ubaguzi wa rangi.

Colin Kaepernick anayeichezea timu ya San Fransisco 49ers alisalia akiwa ameketi wakati wimbo wa taifa ulipoimbwa.

"Sitasimama kujivunia bendera ya taifa linalokandamiza watu weusi na watu wengine wa rangi" alisema.

Mashabiki wengine walimzomea mchezaji huyo wakati anaingia uwanjani.

Lakini timu yake ilisema kuwa inaheshimu haki yake ya kugoma wakati timu ya 49ers ilipokuwa ikikabiliana na Green Bay Packers katika mechi ya kirafiki.

"Tunatambua uhuru wa mtu binafsi kujichagulia na kushiriki katika sherehe za wimbo wa taifa" alisema msemaji wa timu, akipinga kile anachosema ni ubaguzi wa rangi.

TRUMP ASISITIZA KUJENGA UKUTA KUWAZUIA WAHAMIAJI.

Mgombea wa Urais chama cha Republican nchini Marekani Donald Trump amesema kuwa atabumi mfumo ambao utasaidia serikali kudhibiti uhamiaji.

Akizungumza wakati wa kampeni katika jimbo la Lowa bwana Trump alisema kuwa mfumo huo utasaidia kuwatimua watu ambao wanaishi nchini Marekani licha ya muda wa viza zao kumalizika.

Pia alirejea wito wake wa kujenga ukuta kati ya mpaka wake na Mexico kuwazuia wahamiaji.

RIHANNA AFURAHISHWA NA KITENDO ALICHOFANYA DRAKE.

Bango aliloandikiwa Rihanna na Drake.

Siku mbili zilizopita Drake alimuandikia ujumbe Rihanna kwenye Bango kubwa lililopo nchini Marekani akimpongeza Rihanna kuchaguliwa kwenye MTV Video Music Awards.

Rihanna amefurahishwa kwa kitendo hicho alichofanya Drake na kusema kwamba "ni kitu kizuri ambacho hakuna mwanaume mwingine aliyewahi kunifanyia".

Drake ameonyesha upendo mkubwa sana kwa mrembo Rihanna. Tazama hapo juu picha ya bango aliloweka Drake.

IDADI KUBWA YA WANAFUNZI WA SHULE YA MSINGI HAWAJUI KUSOMA.

Waziri wa Elimu, Sayansi, Teknolojia na mafunzo ya ufundi Mhe. Joyce Ndalichako.

Ukaguzi uliofanyika katika shule za msingi 6,831 zilizokaguliwa 2015/16 umebaini kuwa wanafunzi 10273, katika shule 515 nchini hawajui kusoma wala kuandika.

Hayo yalielezwa na Mkurugenzi uthibiti ubora wa shule katika Wizara ya Elimu, Sayansi,  Teknolojia na mafunzo ya ufundi Marystella Wasena jana jijini Dar es salaam alipokuwa akizungumzia mikakati ya kukagua na kusimamia utekelezaji na ufundishaji wa kusoma, kuandika na kuongea KKK kwenye shule za awali na msingi.

Alisema miongoni mwa wanafunzi hao 10,273 wasichana ni 5,263 na wavulana ni 5,010 huku tathmini ikibainisha kuwa sababu mojawapo ya tatizo hilo ni wanafunzi wenyewe kushindwa kumudu kujifunza. Pia zipo sababu zilizotokana na watekelezaji wa mtaala wakiwemo walimu wenyewe kukosa umahili wa kufundisha KKK.

Kutokana na hali hiyo alisema idara inaendelea na mipango ya kuwajengea uwezo wathibiti ubora wa shule ili wapate umahiri huo shuleni.

Alisema katika awamu ya kwanza idara katika mradi wa kukuza Stadi za kusoma, kuandika na kuhesabu LANES imeshawewezesha wathibiti ubora wa shule 1,469 kupitia mafunzo elekezi yaliyofanyika Mei mwaka huu katika vyuo vya ualimu vya Patandi (Arusha), Butimba (Mwanza), Mtwara, Morogoro na Kleruu (Iringa).

Alisema kupitia mafunzo hayo yaliyofanyika Mei, idara iliazimia kuanzisha uthibiti ubora wa ndani ya shule kwa kuhakikisha kila kanda na wilaya inateua shule mbili za mfano zikiwemo shule za sekondari na binafsi ili kuhakikisha mpango huo unatekelezwa.

Naye mthibiti ubora wa shule elimu ya awali na msingi Hawa Selemani alisema shule binafsi zinafanikiwa katika eneo hilo kwa sababu zinachukua wanafunzi wachache kwa kila darasa tofauti na za serikali ambazo zinalenga kutoa huduma.

WATAKAO TUMBUIZA KATIKA TUZO ZA VMAs 2016.

Wasanii wakubwa wametajwa kuwa watatumbuiza katika tuzo za VMAs jumapili leo usiku. Angalia majina ya watakao tumbuiza katika tuzo hizo za MTV Video Music Awards hapo chini:

Rihanna atafungua tuzo hizo huko Madison Square Garden.
Britney Spears atafata kutumbuiza huku akiungana na G-Eazy.
Ariana Grande na Nick Minaj watatumbuiza wimbo wao mpya unaoitwa Side To Side.
Nick Jonas na Ty Dolla $ign watakuwepo pia kuburudisha tuzo hizo.
Halsey na Chainsmokers watatumbuiza pia siku ya leo.
Future naye bila kukosa atakuwepo leo kwenye hizo tuzo.

Kuna uwezekano wa Kanye West pia kuwepo lakini bado haijathibitishwa. Na kuma uvumi kuwa Beyonce atafanya surprise kwenye tuzo hizo ingawa hayupo kwenye list ya watakaotumbuiza.

ASKARI AFYATUA RISASI WODINI.

Kamanda wa polisi George Kyando

Kitendo cha askari huyo kilizua taharuki kubwa kwenye wodi namba 9 ya wanawake na watoto, ambapo wakina mama walipiga mayowe kwa hofu huku wakikimbia na kujificha kwenye chumba cha muuguzi wa zamu wakiwaacha watoto zao vitandani.

Kamanda wa polisi mkoa wa Rukwa George Kyando, alithibitisha kutokea kwa tukio na kueleza kuwa lilitokea jana alfajiri.

"Chanzo ni ulevi wa kupindukia, tulimpima kipimo kikaonesha kiwango cha ulevi kilikuwa juu kupita kiasi alama zikiwa 300 huku kiwango cha kawaida cha kipimo ni alama kati ya 70 na 40....katika tukio hilo hakuna aliyejeruhiwa na bunduki yake ilikuwa na risasi 10", alisema.

Kamanda Kyando alisema siku ya tukio askari huyo akiwa na wenzake alikuwa katika lindo akilinda makazi ya Kamanda wa magereza wa mkoa, lakini alitoroka lindo na kwenda hospitalini wodi namba 9, ambako mkewe alikuwa akimuuguza mwanawe aliyekuwa amelazwa hapo kwa matibabu.

Mke wa mtuhumiwa huyo Theresia Kalonga ambaye ni askari magereza, alikuwa amelazwa na mtoto wao wa kike mwenye umri wa mwaka mmoja na miezi kumi.

"Mtuhumiwa huyo tunamshikiria huku taratibu  za kumkabidhi kwa kamanda wa magereza mkoa wa Rukwa ili aweze kushtakiwa kwa taratibu za jeshi lao, kabla ya kufikishwa kwenye mahakama za kiraia, zinaendelea", alisema kamanda Kyando.

Akizungumza hospitalini hapo, Mganga mkuu wa mkoa wa Rukwa Dk.John Gurisha alisema, askari huyo baada ya kuingia wodini aliweka siraha yake chini, akafunua chandarua na kuanza kuzungumza na mwanawe, kisha katoka nje kafyatua risasi hewani na kutoboa paa.

"Mtuhumiwa huyo alizua kizaazaa kwani askari wetu waliokuwa lindo hapa hospitalini walilazimika kukimbia ili kuokoa maisha yao baada ya kusikia mlio huo wa risasi na kumuona askari huyo akielekea walipokuwa wamekaa", alisema na kuongeza kuwa askari huyo aliletwa wodini hapo na mwendesha bodaboda ingawa hakuna mtu yoyote aliyejeruhiwa, lakini alisababisha taharuki kubwa wodini.

"Askari wa kikosi cha kutuliza ghasia FFU waliwahi kufika hospitalini hapo na kumtia nguvuni na bunduki yake ilipokaguliwa ilikutwa na risasi kumi" alisema.

Muuguzi wa zamu wodini humo, Rose Katabi, alisema askari huyo alipofyatua risasi akina mama wodini humo walianza kupiga mayowe ya kuomba msaada huku wakikimbia na kuwaacha watoto wao vitandani na kuvamia chumba cha muuguzi ili kusalimisha maisha yao.

Waliingia walinzi wetu wawili wodini ndipo akaanza kusema atarudi tena, akatoka nje akiwa katikati ya mlango wa wodini alikoki bunduki yake na kufyatua risasi hewani kisha akaondoka na kutokomea gizani" alisema muuguzi.

MAGUFULI: BINADAMU INAPASWA TUPENDANE.

RAIS John Magufuli amesema kwamba binadamu wanapaswa kuwa wamoja hata kama wanatofauti mbalimbali zikiwemo za kimadhehebu ya kidini, siasa na kanda, huku akiwaomba viongozi wa dini kuendeleza juhudi zao za kuliombea taifa na kuwaunganisha wananchi licha ya tofauti walizonazo.

Dk Magufuli alitoa kauli hiyo jana baada ya kumalizika kwa misa takatifu ya kuadhimisha Jubilee ya miaka 50 ya ndoa ya Rais mstaafu wa awamu ya tatu Mhe.Benjamini Mkapa na Mkewe Anna iliyofanyika katika kanisa la Mtakatifu Petro lililopo Oysterbay jijini Dar es salaam.

Hafla ya jubilei hiyo ilifanyika nyakati za mchana kwenye ukumbi wa Kardinali Rugambwa uliopo kando ya kanisa la Mtakatifu Petro-Oysterbay na ilitanguliwa na misa ya shukrani.

Rais Magufuli alisema miaka 50 ya ndoa ya Mkapa ambaye ni muumini wa kanisa katoliki na mkewe Anna ambaye ni muumini wa kanisa la Kilutheri, inawafundisha watanzania wote hususani wanasiasa kuishi kwa upendo na kulinda amani waliyonayo.

Kwa upande wake, Rais mstaafu Mkapa pamoja na kuwashukuru viongozi wote, ndugu, jamaa na marafiki waliohudhuria misa ya shukrani na jubilei hiyo ya miaka 50 ya ndoa yake, alimshukuru mwenyezi Mungu kwa kuijalia ndoa yake umri mrefu.

Aidha alitoa mwito wa watanzania wote kupenda na kushirikiana huku akibainisha mafunzo aliyoyapata kutoka kwa viongozi wa kidini kuwa "kila mmoja ni zawadi kwa mwenzake".

POLISI WAANZA MSAKO MAALUMU WA MAJAMBAZI.

Kamanda Sirro

Polisi kanda maalumu ya Dar es salaam imetuma askari zaidi ya 80 kwenda katika misitu ya vikindu, Mkuranga na maeneo ya jirani kufanya operesheni maalumu ya kuwasaka majambazi.

Kamanda wa kanda hiyo, Kamishna Simon Sirro amesema kikosi cha askari hao kimeondoka mchana huu kwenda kwenye operesheni hiyo.

Kuhusu mapambano ya jana katika eneo la vikindu mashariki, wilayani mkuranga alisema kuna watu kadhaa waliuawa  na wengine kadhaa wamekamatwa bila kutaja idadi kwa kile alichoeleza kuwa kinaweza kuvuruga upelelezi.

Wakati huo huo kamishna Sirro amesema bado jeshi hilo linaendelea kusisitiza kutokufanya maandamano Septemba 1 na tayari limepata taarifa kuwa kuna vijana wamelipwa fedha kufanya hivyo.

"Kuna vijana tunajua wamelipwa fedha kufanya maandamano Septemba 1 sisi tumekataza ila kama wao wanaona ni vyema kuandamana tunawakaribisha" alisema kamanda Sirro.

MKAPA ATIMIZA MIAKA 50 YA NDOA.

Rais John Pombe Magufuli na mkewe Janeth Magufuli ni miongoni mwa wageni mashuhuri waliohudhuria ibada ya maadhimisho ya Jubilee ya miaka 50 ya ndoa ya Rais mstaafu wa awamu ya tatu Benjamin Mkapa na mkewe Anna Mkapa.

Misa ya maadhimisho hayo yalifanyika katika Kanisa Katoliki la Mtakatifu Petro Oysterbay imeongozwa na Askofu Mkuu wa kanisa katoliki jimbo kuu la Dar es salaam Mwadhama Polycarp Kardinari Pengo na kuhudhuriwa na maaskofu na viongozi mbalimbali wa serikali na taasisi ya umma.

Wageni maarufu waliohudhuria maadhimisho hayo pamoja na mawaziri wakuu wastaafu wa Tanzania, Cleopa Msuya, Edward Lowasa na mkewe, Dk.Salim Ahmed Salim, Jaji Joseph Warioba na mjane wa baba wa Taifa, Mama Maria Nyerere.

LEMA AKAMATWA ARUSHA KWA KOSA LA UCHOCHEZI.

Mhe. Godbless Lema

Mbunge wa jimbo la Arusha mjini, Godbless Lema amesekwa rumande na jeshi la polisi mkoani Arusha kwa kosa la kusambaza maneno ya uchochezi katika mitandao ya kijamii, usiku wa kuamkia jana.

Lema alikamatwa na polisi, alfajiri nyumbani kwake kata ya Engutoto, Njiro ndani ya jiji la Arusha akiwa bado hajaamka.

Kamanda wa polisi wa mkoa, Charles Mkumbo alikiri Polisi kumsweka rumande mbunge huyo na kusema kuwa inamhoji na kufahamu ni kwa nini alisambaza maneno ya kichochezi yenye lengo la kuvunja amani ya nchi. Alisema Lema alikamatwa nyumbani kwake Alfajiri akiwa amelala.

Alisema baadhi ya maneno hayo ni "kama mauti imepoteza utukufu wake hakuna statement ya kurudisha nyuma Arusha kuandamana".

Kwa mujibu wa kamanda, maneno hayo aliyoyatoa Lema ni ya uchochezi na kuvuruga amani ya nchi na ndiyo maana wanamshikiria kwa mahojiano juu ya kauli zake hizo.

Alisema Watanzania wanatambua umuhimu wa amani na hakuna mtu aliye juu ya sheria, hivyo ni vyema wakaheshimu utulivu uliopo.

POLISI NA MAJAMBAZI WAJIBISHANA KWA RISASI HUKO MKURANGA.

Majibizano ya risasi baina ya polisi na majambazi yaliyodumu kwa takribani saa saba   kuanzia saa 8:20 usiku wa kuamkia jana mtaa wa Vikindu Mashariki, Mkuranga mkoani pwani, yamesababisha vifo vya watu wawili akiwemo askari polisi na mtu mwingine anayedhaniwa kuwa ni miongoni mwa majambazi.

Mbali ya milio ya risasi, mtaa huo pia ulitanda moshi kutokana na mabomu ya machozi yaliyopigwa mfululizo na kuibua taharuki kubwa kwa wakazi wake. Mmoja wa majirani katika nyumba iliyozingiwa waliyoishi watuhumiwa, Mjenge Faki alisema walishtuka usingizini na kuanza kusikia milipuko ya risasi na ghafla wakaanza kutokwa na machozi kufuatia hewa hiyo ya machozi kuanza kusambaa.

Katika majibizano hayo, askari aliyekuwa katika majibizano na mtuhumiwa walikufa hapo hapo. Hata hivyo kamanda wa polisi mkoani Pwani, Boniventure Mushongi, licha la kuwepo eneo la tukio, hakuwa tayari kuzungumzia lolote, akisema mwenye jukumu la kuzungumzia tukio hilo ni Kamanda wa polisi kanda ya Dar es salaam, Simon Sirro.

Naye Kamanda Sirro akizungumzia hilo alisema, taarifa rasmi ya tukio hilo zitatokewa leo kwani bado wanakusanya taarifa kuhusiana na tukio hilo. Lakini Mkuu wa mkoa wa Pwani, Evarist Ndikilo alisema katika mapambano hayo, Jeshi la polisi limepoteza askari mmoja, lakini bado lipo imara na litaendelea kuwasaka wahalifu popote watakapokuwepo.

"Askari wetu katika shughuri zake za kupambana na majambazi ameuawa hapa leo (Jana) usiku, ni tukio baya katika mkoa wetu, wilaya yetu na nchi yetu kwa ujumla. Hawa ni wahalifu, lakini mbaya zaidi hata watoto na familia zao zinaaminika wana mafunzo maalumu ya kulinda wazazi wao ambao ni wahalifu" alisema Ndikilo.

Aliongeza kuwa, kama waalifu hao walidhani kwa kuua askari watakuwa wametimiza malengo yao, basi wamechelewa kwani watawawinda popote pale watakapokwenda. Kwa mujibu wa Faki milio ya risasi na mabomu ilisikika katika nyumba inayosadikiwa kumilikiwa na mkazi wa Temeke, aliyetajwa kuwa ni Salum Kingungo.

"Tulianza kusikia kama watu wanakimbizana kutoka eneo la juu barabarani na kelele hizo zikaja kuishia ndani ya nyumba hii walianza kusikia majibizano baina ya watu waliokuwa nje na mingine kutoka ndani, lakini hatukuweza kujua kinachoendelea kwani tulijawa na hofu kubwa", alisema Faki.

Alisema alishindwa kutoka nje na hata walipobaini kuwa ni askari, hawakuruhusiwa kutoka nje hadi ilipohitimu saa tano asubuhi.

Katika majibizano hayo ya risasi na mabomu, nyumba inayodaiwa yalikuwa makazi ya watuhumiwa hao, iliharibiwa vibaya. Baada ya hali kutulia, Mkuu wa Mkoa wa Pwani, Ndikilo akiwa na kamati yake ya Ulinzi na Usalama ya Mkoa wa Pwani, alipata fursa ya kuzungumza na wananchi.

Baada ya kutembelea nyumba hiyo na kujionea hali halisi, waliwataka wananchi wa Mkulanga na mkoa wa Pwani kwa ujumla kuwa watulivu kwani serikali imejipanga na kupambana na watu wachache ambao sio waaminifu.

J LO NA CASPER SMART WAVUNJA MAHUSIANO YAO.

Casper Smart na J Lo

J Lo (47) na Casper (29) walianza mahusiano yao oktoba 2011, ilisemekana kama waliachana mwaka 2014 ila wachunguzi walisema hawakugombana na walikuwa wakiishi nyumba moja.

Wiki kadhaa zilizopita walikuwa vizuri tu hadi J Lo akampaisha aliyekuwa mpenzi wake wa zamani Marc Antony katika tamasha lake huko Las Vegas.

Hicho ndo kinasemekana ndio chanzo cha J Lo na Casper kuvunja mahusiano yao na kila mtu kuendelea na shughuri zake kama apo awali.

JARIDA LA FORBES LIMEMTAJA THE ROCK KAMA MSANII WA KWANZA DUNIANI ANAYELIPWA KIASI KIKUBWA CHA PESA.

The Rock

Muigizaji maarufu wa Marekani na Canada,  Dwayne Douglas Johnson maarufu kama "The Rock" ametajwa katika jarida la Forbes kama ni msanii namba moja duniani anayelipwa pesa kubwa kiasi cha dola za kimarekani $64.5 milioni kwa mwaka.

Hayo mamilioni yametokana na kulipwa kwenye movie alizocheza kama Central Intelligence na Fast 8 na pia movie ambayo bado haijatoka inayoitwa Baywatch.

Juhudi alizoonyesha kwenye movie ya Fast and furious na movie yake ya San Andreas ya mwaka 2015 zimezaa matunda hayo.

MUOGELEAJI WA MAREKANI RYAN LOTCHE ASHITAKIWA.

Polisi nchini Brazil wamemshtaki muogeleaji wa olmpiki wa Marekani Ryan Lotche kwa kutoa madai ya uongo kuwa yeye na wenzake watatu waliibiwa kwa kushikiwa bunduki wakati wa michuano ya Rio, kitu ambacho ni upotoshaji.

Uhalifu huo hukumu yake ni miezi nane jela.

Msemaji wa polisi ameeleza kuwa kesi hiyo imepelekwa mahakamani na Lotche atatakiwa kujibu mashtaka hayo. Idara ya Marekani  imesema inatambua ombi hilo.

Lotche ameondoka Brazil kabla hajaojiwa na polisi. Ameomba msamaha kwa kusema uongo juu ya kuibiwa. Lotche amepoteza wadhamini wake wakubwa wanne kufuatia tukio hilo na hivyo kuweka hatarini kazi yake ya uogeleaji.

SAMATTA ASAIDIA KLABU YAKE KUFUZU MASHINDANO YA EUROPA LEAGUE.

Mchezaji wa kimataifa kutoka Tanzania Mbwana Ally Samatta amepata nafasi ya kucheza hatua ya makundi ligi ndogo ya klabu Ulaya, Europa League.

Hii ni baada ya klabu yake KRC Genk ya Ubelgiji kupata ushindi wa jumla 4-2 mechi ya kufuzu hatua ya makundi dhidi ya wapinzani wao Lokomotiva Zagreb ya Croatia.

Genk walipata ushindi wa 2-0 mechi iliyochezwa jana jioni.

Klabu hizo mbili zilitoka sare 2-2 mechi ya mkondo wa kwanza.

Samatta alifungia klabu yake bao la kwanza dakika ya pili naye mwenzake Leon Bailey akafunga la pili muda mfupi baada ya mapumziko.

Samatta pia alioneshwa kadi ya njano dakika ya 69.

Droo ya hatua ya makundi itafanywa mjini Monaco baadae leo ijumaa mwendo wa saa tisa za Afrika Mashariki.

WANASAYANSI WAGUNDUA SAYARI INAYOFANANA NA DUNIA.

Wanasayansi wamegundua sayari ambao inakaribiana sana na dunia kwa mazingira na ukubwa wake ambayo inazunguka nyota ijulikanayo kama Proxima Centauri iliyo na mfumo unaokaribia zaidi mfumo wetu wa jua.

Sayari hiyo ambayo kwa sasa imepewa jina la Proxima b inazunguka nyota hiyo katika eneo ambalo kuna uwezo mkubwa sana wa kupatikana kwa maji.

Proxima inapatikana umbali wa kilomita tirioni 40 na inaweza kumchukua mtu akitumia teknologia ya sasa ya vyombo vya usafiri wa anga za juu, maelfu ya miaka kufika huko juu.

Licha ya kwamba ni mbali sana kugunduliwa kwa sayari hiyo, huenda kukasisimua hisia na mawazo ya binadamu na wanasayansi kuhusu kuwepo kwa viumbe katika sayari nyingine au uwezekano wa wakati mmoja watu kuishi kwenye sayari nyingine.

"Kusema ukweli kufika huko kwa sasa hiyo ni kama hadithi ya kubuni kisayansi, lakini watu sasa wanalifikiria hilo na si jambo lisiloweza kufikirika kwamba wakati mmoja mtu anaweza kutuma chombo huko.

AKATA MKONO NA MGUU ILI APATE MALIPO YA BIMA.

Mwanamke mmoja nchini Vietnam amekiri kutoa mguu na sehemu ya mkono wake vikatwe ili aweze kudai malipo ya bima.

Mwezi Mei mwanamke huyo mwenye umri wa miaka 30 anayetambuliwa kama Ly Thi N, alidanganya kuwa aligongwa na treni.

Lakini kwa sasa umeripotiwa kukiri kwamba alimlipa rafiki yake dola $2200 akate viungo vyake.

Lengo lake ni kudai dola zaidi ya $150,000 kutoka kwa kampuni ya bima yake.

Mtu aliyejifanya kuwa mpita njia aliyemuokoa kwa jina la Doan Van D, ambaye ndiye aliyemkata viungo, aliita gari la kubebea wagonjwa baada ya kumpata mwanamke aliyeumia katika barabara ya Hanoi.

Picha zilizochapishwa na gazeti rasmi la polisi  zilionyesha mwanamke huyo miezi mitatu badae akiwa amepona majeraha yake.

Anaaminiwa kuendesha biashara yake kwa shida, kwa mujibu wa vyombo vya habari nchini humo.

Tukio hilo lisilo la kawaida limezua mjadara mkali katika mitandao ya kijamii nchini Vietnam huku wengi wakilaani tukio hilo.

MWANAUME INDIA ABEBA MAITI YA MKE WAKE 12km.

Mwanaume mmoja maskini nchini India alibeba maiti ya mkewe kwa zaidi ya kilomita 12 baada ya hospitali alimofariki kushindwa kumsafirisha kwa gari la kubebea wagonjwa hadi kijijini mwake.

Mke wa Dana Mjhi, Amang mwenye umri wa miaka 42, alifariki dunia baada ya kuugua maradhi ya kifua kikuu katika hospitali ya Ulaya, mji wa Bhawanipatna jimbo la Orissa.

Bwana Mahji alisema kijiji chake kilikuwa umbali wa kilomita 60 na hakuwa na uwezo wa kulipa gharama ya usafiri wa gari la kuwabebea wagonjwa.

Mwanamke huyo alilazwa hospitalini hapo siku ya jumanne na kufariki usiku huo huo.

Mume wake alichukua maiti hiyo bila ya kuwafahamisha wahudumu wa hospitali hiyo, Afisa mkuu wa afya Bi Brahma alisema.

Majhi anadai mkewe alifariki siku ya jumanne usiku na kuamua kubeba mwili wake siku ya jumatano baada ya wahudumu wa hospitali hiyo kumsihi kutoa mwili huo.

"Nilikuwa nikiwaomba wahudumu wa hospitali hiyo wanisaidie gari nimbebe mke wangu lakini tukaambulia patupu".

Kwa sababu mimi ni maskini na nisingeweza kukodisha gari la kibinafsi, sikuwa na njia nyingine ila kumbeba mke wangu mabegani.

Mapema jumatano alisema, alifunga mwili wa mkewe na nguo na kuanza safari hiyo ndefu ya kuelekea kijijini huko Melghar kwa mila na tamaduni za mwisho akiungana na mwanae Chaula mwenye umri wa miaka 12.

Alitembea kwa takribani kilomita 12 ndipo watu walipoingilia kati na kuamua kumsaidia kwa gari la kubebea wagonjwa wakamfikisha hadi mwisho wa safari yake.

Shughuli ya kuchoma mwili wa mkewe ilifanyia jumatano usiku.

KAMATI YA OLIMPIKI YA KENYA YAVUNJWA.

Waziri wa michezo nchini Kenya Hassan Wario ametangaza kuvunjwa kwa kamati ya maandalizi ya olimpiki, kuhusiana na maandalizi ya timu hiyo kwa michezo ya olimpiki iliyomalizika juzi mjini Rio de Janeiro nchini Brazil.

Waziri ametangaza habari hiyo kwenye kikao na wanahabari huku ikibainika kwamba bado kuna wachezaji ambao hawajaondoka Rio.

Miongoni mwao ni mbunge Wesley Korir, aliyeshiriki mbio za Marathon ambaye anasema wanaishi maisha duni.

Wario amesema majukumu ya kamati hiyo, maarufu kama NOCK yatatekelezwa na Sports Kenya.

Waziri huyo pia ameunda kamati ya kuchunguza yaliyojiri wakati wa maandalizi ya michezo hiyo na wakati wa michezo yenyewe.

UTEUZI MWINGINE UMEFANYWA NA RAIS MAGUFULI.

Rais Magufuli amemteua Andrew Massawe kuwa kaimu Mkurugenzi Mkuu wa NIDA.

Kabla alikuwa Mkurugenzi wa mifumo ya kompyuta BOT.

Anachukua nafasi ya Modestus Kipilimbi ambaye aliteuliwa siku ya jana kuwa Mkurugenzi Mkuu wa idara ya Usalama wa Taifa.

MWANAFUNZI AFUKUZWA SHULE KISA USHIRIKINA.

Uongozi wa shule ya Sekondari Mwatisi wilaya ya Rungwe mkoani Mbeya umemfukuza mwanafunzi mmoja (jina kapuni) kwa madai ya ushirikina.

Mwanafunzi huyo anadaiwa kuhusika na kitendo cha baadhi ya wanafunzi shuleni hapo kukumbwa na matatizo ya kuanguka na mapepo kwa muda wa miezi miwili mfululizo.

Mwanafunzi huyo pia amehusishwa na mzuka wa ajabu uliotokea hivi karibuni ambapo ulikuwa ukianua vyakula vya watu wakati wakianika nje, huku ukiwakumba wanafunzi wa kike waliokuwa wakikimbia porini na kuzua taharuki kwa wakazi wa eneo hilo.

Hali hiyo ilisababisha uongozi wa shule hiyo kuhitisha mkutano wa hadhara ulioshirikisha viongozi wa dini, machifu na watu wengine, lengo likiwa ni kufikia muafaka wa sakata hilo.

Furaha Mwakalundwa mwinjilisti wa kanisa la kiinjili kilutheri Tanzania (KKKT) dayosisi ya Konde jimbo la Mwakaleli, alisema kufukuzwa kwa mwanafunzi huyo hakuwezi kuleta tija kutokana na masuala ya ushirikina hayana uthibitisho ni vyema hiyo kazi wangetuachia watumishi wa Mungu ili tuendelee kutatua kwa nguvu za Mungu.

Baadhi ya wanafunzi wamesema kuondolewa kwa mwanafunzi huyo kumeleta unafuu kwa 90% kulinganisha na awali.

"Alikuwa akiingia tu darasani au kukutana na mwanafunzi yoyote walikuwa wakianguka na kupata kama kichaa na kuanguka na kusababisha walimu na wanafunzi kumchukia" alisema mmoja wa wanafunzi.

Walimu na wanafunzi walikuwa wakimwogopa na kumkimbia kila anapoonekana, na walimu kuogopa kumpa adhabu.

IDADI YA WATU WALIOFARIKI KATIKA TETEMEKO NCHINI ITALIA YAONGEZEKA.

Manusura wakiwa katika mahema

Idadi ya watu hao imefika 247, huku manusura wakiendelea kutafutwa. Maafisa uokoaji wanaendelea na juhudi za kutafuta manusura na miili kwenye vifusi.

Tetemeko hilo la nguvu ya 6.2 katika vipimo vya Richter liliharibu vibaya mji wa Amatrice, Accumoli na Pescara del Tronto ambapo watu wengi walifariki.

Maafisa wa uokoaji waliendelea na shughuli za kuwatafuta manusura usiku, lakini wakati mmoja walikatizwa na mitetemeko mingine iliyotokea na kutikisa majumba yaliyosalia yakiwa bado wima.

Mahema yamewekwa kuwasaidia watu walioachwa bila makao.

KESI YA BABU TALE KUHAIRISHWA TENA.

Hukumu ya kesi inayomkabili meneja wa staa wa bongo flava Diamond Platnumz, Babu Tale ya kusambaza na kuuza DVD za mawaidha ya Shehe Hamis Mbonde bila ridhaa yake imehairishwa tena siku ya jana katika Mahakama Kuu kanda ya Dar es Salaam mpaka September 12, mwaka huu.

Kwa mujibu wa msajili wa Mahakama kuu kanda ya Dar es salaam Mustapha Sian alisema sababu kubwa ya kuhairishwa kwa kesi hiyo ni kwamba aliyetakiwa kuitolea hukumu ambaye ni msajili Projest Kahyoza hayupo mahakamani kikazi.

Katika kesi hii Babu Tale pamoja na mdogo wake anayeunda kundi la tip top connection wanatakiwa kuieleza mahakama kwa nini wasifungwe jera ama kumlipa shehe kiasi cha sh. Milioni 250.

KIONGOZI WA BREXIT NIGEL FARAGE AHUTUBIA KATIKA MKUTANO WA DONALD TRUMP.

Donald Trump na Nigel Farage.

Mwanasiasa mmoja wa Uingereza aliyeongoza kampeni ya kujiondoa kutoka ndani ya Umoja wa Ulaya (EU) Nigel Farage, amehutubia katika mkutano mmoja wa kampeni za uraisi za chama cha Republican nchini Marekani.

Huku mgombea wa urais chama cha Republican, Donald Trump akisimama naye, kinara huyo anayeondoka katika chama cha UK Independence Party (UKIP) amewaambia wafuasi wa Republican kuwa mambo mengi yanawezekana watu wema wakisimama kidete kupinga uongozi wowote ule.

Mkutano huo ulifanyika Jackson, Mississippi umehudhuriwa na jumla ya wanaharakati 15,000 wa chama cha Republican.

Wakati wa kampeni ya kutetea kujiondoa kwa Uingereza kutoka UE, Trump alitangaza uungaji mkono wake.

Farage alipokuwa akihutubia alisema kampeni inayoendeshwa kwa sasa na chama cha Republican inatoa fursa nzuri sana.

"Mnaweza kuwashinda watu wanaofanya kura za maoni, mnaweza kuwashinda wachanganuzi wa masuala ya kisiasa na kiuchumi, mnaweza kuwashinda watu wanaodhibiti Washington" Alisema Farage.

Kiongozi huyo wa UKIP pia alihudhuria mkutano mkuu wa kuidhinisha mgombea urais wa Republican jijini Cleveland, mwezi uliopita.

Lakini alisema pia angekuwa Mmarekeni asingethubutu kumpigia kura mpinzani mkuu wa Trump, mwanamama Hillary Clinton wa chama cha Democratic hata akilipwa.

Trump alihutubia katika mkutano huo akimsifu Farage na kusema aliwezesha Uingereza kuchukua tena udhibiti wa mipaka yake wakati wa kura ya kujiondoa kutoka UE.

NDEGE NDEFU ZAIDI DUNIANI IMEANGUKA.

Airlander ilivyoanguka

Ndege ndefu zaidi duniani - Airlander 10 imeharibika baada ya kuanguka wakati ikitua katika safari yake ya pili ya kufanyiwa majaribio.

Ndege hiyo ya urefu wa 302ft (92m) ambayo kwa kiasi fulani ni ndege na pia kwa kiasi fulani ni puto. Iliharibika ikiwa katika uwanja wa Cardington, Bedfordshire nchini Uingereza.

Ndege hiyo ya thamani ya £25m imeharibika eneo wanaloketi marubani baada ya kuanguka kwa pua mwendo wa saa tano za Uingereza.

Msemaji wa HAV kampuni iliyounda ndege hiyo amesema marubani na wahudumu wengine wote wapo salama.

Kampuni hiyo imekanusha madai kwamba waya uliokuwa umening'inia kutoka kwenye ndege hiyo ulikwama kwenye kigingi cha nyaya za simu na kusababisha ajali hiyo.

Ndege hiyo ilifanya safari yake ya kwanza 17 Agosti. Kampuni ya HAV inapanga kuunda ndege 10 aina ya Airlander kufikia 2021.

ASKARI POLISI WANNE WAUAWA JIJINI DAR ES SALAAM.

Kamishina Nsato Marijani akitoa ufafanuzi.

Polisi wanne wameuawa na raia wawili kujeruhiwa baada ya kushambuliwa na watu wenye silaha ambapo pia walipokonya bunduki mbili na risasi kadhaa, jijini Dar es Salaam.

Hadi sasa bado haijajulikana chanzo cha mauaji japo polisi wanasema wanahisi tukio ni la ulipizaji kisasi dhidi ya polisi.

Jeshi la polisi chini ya kamishna wa operesheni na mafunzo, Nsato Marijani limethibitisha kutokea kwa tukio hilo ambalo lilikuwa la uvamizi wa moja ya benki jijini humo huku wakiwa na ulakini wa mazingira ya uharifu huo.

Anasema inaonekana kuwa tukio hilo halikulenga kuivamia benki bali lililenga kuua askari ili kulipiza kisasi kwakuwa hakuna kitu chochote kilichopotea au kuharibika katika benki hiyo.

Aidha jeshi hilo limesema kuwa kuna baadhi ya watu waliandika mitandaoni kushabikia mauaji ya askari hao na kukejeri mazoezi walokuwa wakifanya, huku baadhi ya viongozi wa kisiasa kusikika katika majukwaa yao wakiwahamasisha wafuasi wao kuwashambulia polisi.

Hatua hiyo imepelekea jeshi la polisi kutoa onyo kwa kukemea tabia hiyo na kuahidi kuwafatilia na kuwachukulia hatua za kisheria wale wote waliofanya uchochezi wa tukio hilo kwa namna moja au nyingine.

Pamoja na hayo jeshi la polisi pia limesitisha mikutano ya ndani yenye wasiwasi wa kuchochea uhalifu kwa kuwa wamebaini mikutano hiyo imekuwa ikitumika kuhamasisha uhalifu.

TETEMEKO LA ARDHI ITALIA LASABABISHA VIFO VYA WATU 21.

Nyumba zimefukiwa

Kikosi cha waokoaji wakifanya kazi

Watu takribani 21 wafariki baada ya kutokea tetemeko la ardhi lenye nguvu ya 6.2 katika vipimo vya Richter katikati mwa Italia.

Watu wengine wengi wamefukiwa chini ya vifusi.

Wengi wamefariki katika kijiji cha Pescara del Tronto ambacho kimeharibiwa vibaya na inahofiwa kwamba idadi ya waliofariki inaweza ikaongezeka.

Tetemeko hilo lilitokea mwendo wa saa tisa na dakika thelathini na sita usiku saa za Italia (01:36)GMT, 76 km (maili 47) kusini mashariki mwa mji wa Perugia katika kina cha 10km (maili 6) chini ya ardhi.

Taasisi ya Marekani inayohusika na mitetemeko ya ardhi imesema USGS.

Mitetemeko ilisikika miji ya mbali kama vile Roma, Venice, Bologna na Naples. Mjini Roma baadhi ya majumba yalitikisika sekunde 20, kwa mujibu wa gazeti la Repubblica.

Mji wa Amatrice nao pia uliharibiwa vibaya. Watu wanne wanahofiwa kufariki katika mji jirani wa Accumoli.

Eneo hilo ambalo linapatikana katikati ya mikoa ya Umbria, Lazio na Marche ni maarufu sana kwa watalii na kuna wageni wengi waliokuwa eneo hilo kipindi hiki cha shughuli nyingi za kitalii.

Kitovu cha tetemeko hilo kilikuwa katika mji wa Norcia karibu na Perugia.

Waziri mkuu wa Italia Matteo Renzi amesema serikali yake inaendelea kuwasiliana na taasisi za kiraia za ulinzi wa nchi hiyo.

Meya wa mji wa Amatrice Sergio Perozzi ameambia kituo cha redio cha serikali cha RAI kwamba mji huo umeharibiwa vibaya.

Barabara za kuingia na kutoka mjini hazipitiki, nusu ya mji imeharibiwa, watu wamefukiwa chini ya vifusi. Kumetokea maporomoko ya ardhi na kuna daraja moja ambalo huenda likapolomoka.

UTAFITI: WANASAYANSI WAMEGUNDUA HILI KUHUSU MANUKATO.

Mfano wa manukato

Wanasayansi wamebaini kuwa kemikali zinazotengeneza manukato, zinaweza kuhama kutoka kwenye nguo ya mtu mmoja hadi mwingine, hata kama wamegusana kidogo.

Harufu ya manukato inaweza kubaki kwenye nguo kwa siku kadhaa, licha ya kwamba huisha baada ya mda.

Jopo la wanasayansi hao linasema huu ni ushahidi wa msingi wa utafiti, lakini wanasema kwamba manukato yana uwezekano mkubwa wa kutumiwa kupata ushahidi wa mharifu.

Katika taarifa yao waliyoiandika katika jarida la kisayansi na haki, watafiti hao wanasema walifanyia uchambuzi harufu za manukato zinazoweza kufaa katika visa ambako kumekuwa na mgusano wa karibu wa kimwili kama vile kesi za uharifu wa kingono.

Mkuu wa utafiti huo Simona Gherghel kutoka University Collage London, anasema "tulihisi kuna uwezekano mkubwa wa kutumiwa kwa manukato kwa sababu watu wengi ni watumiaji" tunafahamu 90% ya wanawake na 60% ya wanaume wanatumia manukato kila siku.

Wakati tunafahamu kuwa kazi kubwa katika Sayansi ya kutafuta ushahidi ulio hamishwa, hadi sasa haujawahi kufanyika utafiti kuhusu kuhamishwa manukato kutoka kwa mtu mmoja kwenda kwa mwingine.

  UTAFITI 

RAIS MAGUFULI AFANYA UTEUZI MWINGINE.

Rais Magufuli amemteua Modestus Kipilimba kuwa mkurugenzi mkuu wa idara ya usalama wa Taifa (TISS) na Robert Msalika kuwa naibu wake.

Aliyekuwa kaimu mkurugenzi wa idara hiyo George Madafa ameteuliwa kuwa Balozi na nchi atakayopangiwa itatajwa badae.

Modestus Kipilimba ataapishwa leo jioni Ikulu.


Uteuzi bado unaendelea.

FIESTA YASABABISHA MUIMBAJI WA MZIKI WA KISINGELI MANIFONGO KUGOMBANA NA MKEWE.

Weekend iliyopita kulikuwa na tamasha kubwa la Fiesta lililofanyika jijini mwanza siku ya Jumamosi katika viwanja vya CCM Kirumba.

Mwanamziki mashuhuri wa nyimbo za visingeli Manifongo alikuwa mmoja wa wasanii waliotumbuiza katika tamasha hilo.

Balaa lilikuja pale Manifongo alipokuwa anatumbuiza nyimbo aliyoshirikishwa na msanii Shilole wimbo unaokwenda kwa jina la Mtoto mdogomdogo.

Manifongo alionekana kujiachia na kimshikilia Shilole. Ndipo mke wake alipata wasiwasi kutokana na show hiyo.

Manifongo alikuwa anakiambia kipindi cha Leo tena cha Clouds FM, kuwa kwa sasa wameelewana kwa sababu ilibidi amueleweshe mke wake kuwa alikuwa kazini na hakuna chochote kinachoendelea kati yao.

Vilevile Manifongo alitambulisha nyimbo yake mpya inayoitwa Tumtafute Kibaka.

BRUCE LEE ACHAGULIWA KUWA DIWANI AFRIKA KUSINI.

Vasco da Gama akiwa na Bruce Lee

Baada ya Vasco da Gama kuwa spika wa baraza la mji wa Johannesburg nchini Afrika kusini, sasa Bruce Lee amechukua wadhifa katika baraza la Tshwane mjini humo.

Kwa wale waliokosa somo la historia, Vasco da Gama alikuwa baharia maarufu ambaye amerikodiwa kuwa mtu wa kwanza kusafiri makini kutoka Ulaya hadi India kupitia Cape of good hope.

Na muda mfupi badae orodha ya majina ya madiwani ilitolewa huko Tshwane nchini humo humo yalionesha Bruce Lee akiwa katika wadhifa wa maendeleo ya kiuchumi katika baraza hilo.

Bruce Lee ni mcheza filamu kutoka nchini Marekani.

RAYVANN WA WCB ASHINDWA KUJIZUIA NA KUANGUSHA KILIO CHA FURAHA.

Mwanamziki anayetokea katika lebo ya WCB Rayvan azawadiwa zawadi ya gari aina ya Rav4 katika siku yake ya kuzaliwa.

Raymond alikuwa anatimiza miaka kadhaa siku ya jumatatu na usiku wake kukawa na sherehe ndogo ya kumpongeza iliyofanyika nyumbani kwa Diamond Platnumz pande za Madale.

Lakini kundi la WCB walimfanyia surprise kubwa Raymond kwa kumzawadia gari aina ya Rav4, ndipo Raymond alishindwa kujizuia na kulia machozi ya furaha.

Raymond ni msanii chipukizi anayefanya vizuri katika tasnia ya bongo flava. Kwa sasa anatamba na wimbo wake unaokwenda kwa jina la Natafuta kiki.

UZINDUZI WA TUZO ZA MTV MAMA 2016.

Tuzo za MTV Mama zitafanyika Octoba 22 kwenye mji mkuu wa Afrika kusini, Johannesburg.

Uzinduzi wa tuzo hizo umefanyika jumanne hii jijini humo mbele ya waandishi wa habari. Tuzo mbili zilizopita zilifanyika jijini Durban nchini humo.

Tuzo hizo zitatolewa katika ukumbi wa Ticket Pro Dome. Tarehe ya hafla ya kutajwa vipengele na washiriki wa tuzo za mwaka huu itatangazwa siku za usoni.